მოტივაცია

2015-2016  სასწავლო წელი

                           სასწავლო განწყობის შექმნა წლის დასაწყისი

    მოსწავლეებთან სამუშაო გამოცდილება მაძლევს იმის თქმის საშუალებას  , რომ ხანგრძლივი არდადეგების შემდგომ მათი სასწავლო პროცესში ჩართვა საკმაოდ რთული და შრომატევადი საქმეა. მოსწავლეებს უჭირთ დათმონ ის თავისუფლება რასაც საზაფხულო არდადეგები ჰქვია.სასწავლო წლის დასაწყისი განსაკუთრებიით რთულია მეხუთე კლასელებისთვის  რადგან ოთხი წლის მანძილზე შეჩვეულნი არიან (თითქმის უცვლელად ) ერთიდაიგივე პედაგოგებს. სიახლეებს ,მასწავლებლების სახით ძნელად ეგუებიან. ამიტომ მე ,როგორც მეხუთე კლასის დამრიგებელს, გაცნობიერებული მაქვს ,რომ მუშაობა გაათმაგებულად მომიწევს მათი სიმპატიებისა და ნდობის  მოსაპოვებლად ,სასკოლო განწყობის შესაქმნელად, მოტივაციის ასამაღლებლად.

    ამიტომ გადავწყვიტე სწავლის  დასაწყისში მოსწავლეებს დადებითი განწყობა შევუქმნა სახალისო აქტივობებით.

    უნდა ვაჩვენო ჩემს მიერ მომზადებული სამოტივაციო
ვიდეორგოლი,დარწმუნებული ვარ ძალიან მოეწონებათ და გაახალისებთ.

 დამატებით  დავიხმარო პროფესიონალი პედაგოგის ,პროფესორი მაურის ელიასი სამი აქტივობა

I აქტივობა - ვინ ვარ მე? ინდივიდუალურობა და მიზანდასახულობა

ახალი სასწავლო წლის დასაწყისში მოსწავლეებს ძალების მობილიზებასა და პიროვნული რესურსების სწავლაზე ფოკუსირებაში ეხმარებით, რაც მათი წარმატების გარანტია. დაუსვით მოსწავლეებს ქვემოთ მოცემული კითხვები ინდივიდუალურად, შემდეგ ამუშავეთ ისინი წყვილებში, რათა კითხვებზე პასუხები ერთმანეთს გაუზიაონ. ასევე, შესაძლებელია დისკუსიის გამართვა პატარა ჯგუფებში და შემდეგ მოხალისე მოსწავლეს შეუძლია, რომ კითხვებზე პასუხი კლასის წინაშე გასცეს.
თქვენ ასევე შეგიძლიათ, რომ გამოიყენოთ რაიმე კრეატიული ფორმა აზრთა გაზიარებისთვის. როგორიცაა გაზეთის შექმნა შეკითხვებზე პასუხების მიხედვით, ან დაწერინოთ სამი საუკეთესო პასუხი ყველა შეკითხვაზე.

მაშ ასე, ეს კითხვებია:

1. რა მიქმნის მოტივაციას?
2. რა არის ჩემი საუკეთესო უნარები?
3. როგორ ახდენენ გავლენას ჩემი თანატოლები ჩემზე?
4. როდის და ვისთან ერთად ვიყავი ყველაზე კარგად?
5. ვისი დახმარების იმედი მაქვს?
6. რა და როგორ შემიძლია გავაკეთო რომ უფრო მეტ წარმატებას მივაღწიო?

II აქტივობა - ხმების დათვლა

გაყავით საკლასო ოთახი სამ ზონად და თითოეულ ზონას მიანიჭეთ ქვემოთ მოცემული პასუხები. წაიკითხეთ წინადადებები და მოსწავლეებს რომლებიც იზიარებენ მოცემულ პასუხებიდან ერთს ოთახში შესაბამისი ზონა აირჩიონ.

ეს ზონებია:

ზუსტად ვეთანხმები
ნაწილობრივ ვეთანხმები
თითქმის არ ვეთანხმები

პასუხები:

1.ვფიქრობდი, რომ სკოლა უაზრობა იყო. მაგრამ ახლა ვფიქრობ, რომ სკოლა მნიშვნელოვანია და მე მჭირდება სწავლა წარმატების მისაღწევად.
2. მე ვიყავი ფიცხი ზოგიერთ სიტყუაციაში. მაგრამ ახლა მე ვარ უფრო მშვიდი და ჩემ სიფიცხეს მაშინ გამოვიყენებ, როცა უფრო სახიფათო სიტყუაცია იქნება.
3. ვფიქრობდი, რომ ცდა არაფერს ნიშნავდა. მაგრამ ახლა ვფიქრობ, რომ რაც უფრო მეტჯერ ვცდი, მით მეტ წარმატებას მივაღწევ.
4. ვფიქროდი, გამეკეთებია ისეთი რამ, რაც სხვა მოსწავლეებში პოპულარულს გამხდიდა. მაგრამ ახლა ვფიქრობ, გავაკეთო ის, რაც მე მიმაჩნია სწორად.
5. ვფქირობდი, ისეთი რამ გამეკეთებინა, რაც გაკვეთილზე დროს გამაყვანინებდა. მაგრამ ახლა მსურს, რომ მეც ვიყო გაკვეთილის მსვლელობაში ჩართული.

ამ აქტივობის შესრულებისას თქვენი სურვილისამებრ შესაძლებელია შეკითხვების დამატება. კითხვებზე სასურველი პასუხების გაცემის შემდეგ მოსწავლეები საკუთარ არჩევანს კლასს გაუზიარებენ.

ეს არის ძალაინ კარგი საშუალება მოსწავლეებისათვის, რომ თანატოლების აზრების გაზიარებით დადებითი განწყობა შეიქმნან. ამ პროცესში მასწავლებელი მოსწავლეების გრძნობების შესახებ ინფორმაციას იღებს. სასურველია, რომ მოსწავლეებმა არჩევანი არ გააკეთონ იმ პასუხისკენ, რომელიც მასწავლებელს მოეწონება, არამედ ისე, როგორც თავად ფიქრობენ. (ამის შესახებ კი კლასს თავად პედაგოგი აფრთხილებს.)

III აქტივობა - ჩანაწერების დღიური შეხედულებებისა და განწყობების შესახებ

თქვენი სურვილის მიხედვით, როგორც დანართი, ან როგორც ახალი დავალება, შეგიძლიათ, რომ მოსწავლეებს სთხოვოთ გააკეთონ დღიური ჩანაწერებისთვის, სადაც ამ ფრაზებში წერტილებით გამოტოვებულ ველს თავიანთი შეხედულებისამებრ შეავსებენ.

ეს ფრაზებია:

მე ვიყავი დაჩვეული... მაგრამ ახლა მე ვარ...
მე ვფიქრობდი... მაგრამ ახლა მე ვფიქრობ...
მე ვაკეთებდი... მაგრამ ახლა მე ვაკეთებ...